کوردپرێس:
لیوا سه‌عد مه‌عن وته‌بێژی وه‌زاره‌تی ناوخۆی عێراق له به‌یاننامه‌یێکدا ئاشكرای كرد که له پرۆسه‌یێكی تایبه‌تدا هێزێكی هاوبه‌شی هه‌واڵگری و دژه‌تیرۆر و سواتی عێراقی یه‌كێک له گه‌وره‌ترین بازرگانانی ماده‌ی هۆشبه‌ریان له پارێزگای میسان ده‌ستگیر كردووه.
ناوبراو زیادی کرد: ئه‌و كه‌سه دابه‌شكه‌ری سه‌ره‌كیی ماده هۆشبه‌ره‌كان و ئه‌و مادانه بووه كه كاریگه‌رییان له‌سه‌ر مێشک هه‌یه و 8 دۆسێی ده‌ستگیركردن له دژی هه‌بووه.
وته‌بێژی وه‌زاره‌تی ناوخۆ ڕوونیشی کردۆته‌وه که دوای دوو كاتژمێر له ڕاوه‌دوونانی بازرگانه‌كه دواجار ده‌ستگیر كراوه و هه‌روه‌ها كه‌سێكی دیكه‌ش ده‌ستبه‌سه‌ر كراوه كه له‌گه‌ڵیدا بووه و ئه‌ویش یه‌كێک بووه له دیارترین ئه‌و كه‌سانه‌ی ماده هۆشبه‌ره‌كانی دابه‌ش كردووه و به به‌ڵگه‌وه ده‌ستگیر كراوه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment