به‌پێی هه‌واڵی کوردپرێس، له درێژه‌ی پاکتاوکردنی شاره‌وانییه‌کانی سه‌ر به پارتی دیموکراتی گه‌لان، پۆلیسی ئه‌رزه‌رووم هه‌لیکۆتایه سه‌ر ماڵی مه‌له‌که گۆکسۆ شاره‌وانی قه‌ره‌یازی هه‌ده‌په و ناوبراو و دوو ئه‌ندامی ئه‌نجومه‌نی شاره‌وانییان ده‌ستگیر و ده‌ستبه‌جێ ڕه‌وانه‌ی دادگه کران.
له دانیشتنی دادگه‌دا دادستێن سزای 7.5 ساڵ زیندانی به تۆمه‌تی "ئه‌ندامێتی له گرووپه تیرۆریستییه‌کان" بۆ گۆکسۆ ده‌رکرد و ناوبراو له‌لایه‌ن هێزی پۆلیسی تورکیاوه ڕه‌وانه‌ی زیندانی پالاندۆکنی هه‌ڵکه‌وتوو له ناوچه‌ی یاقووتیه‌ی ئه‌رزه‌رووم کرا.
ئۆکای ممیش پارێزگاری ئه‌رزه‌رووم له به‌یاننامه‌یێکدا ئاماژه‌ی به زیندانی‌کردنی شاره‌وانی قه‌ره‌یاز کردووه و ڕای‌گه‌یاندووه: به‌پێی ماده‌ی 45ی یاسای شاره‌وانییه‌کان که ته‌ئکید له‌سه‌ر ئه‌ندامێتی له گرووپه تیرۆریستییه‌کان و هاوکاری له‌گه‌ڵ ئه‌و گرووپه ده‌کاته‌وه ئێمه بابه‌تی وه‌لاوه‌نانی مه‌له‌که گۆکسۆمان خسته ده‌ستووری کاره‌وه و له ڕۆژانی داهاتووشدا قه‌یووم له جێگه‌که‌ی داده‌نین. له‌باره‌ی هه‌ڵبژاردنه‌کان هه‌نگاوێک هه‌ڵناگیردرێت و ئه‌م مه‌سه‌له له ماده‌ی 45ی یاسای شاره‌وانییه‌کانی تورکیا به ڕاشکاوانه باسی لێکراوه.
سه‌رچاوه: ڕۆژنامه‌ی ئۆرنسه‌ل
کۆدی هه‌واڵنێر: 60103
Your Comment