به‌پێی هه‌واڵی کوردپرێس، ڕۆژی هه‌ینی 6ی ئه‌یلوولی 2019 سێهه‌مین کۆبوونه‌وه‌ی لێکدانه‌وه‌ی دۆسیه‌ی جانان کفتانچی ئۆغڵۆ سه‌رۆکی ته‌شکیلاتی CHP له پارێزگای ئه‌سته‌نبۆڵ به بۆنه‌ی توویته‌کانی له ساڵانی 2012-2017 له حاڵێکدا به‌ڕێوه چوو که دادستێنی دۆسیه‌که به تۆمه‌ته‌کانی "سووکایه‌تی‌کردن به سه‌رۆک کۆماری تورکیا"، "هاندانی گه‌ل بۆ ڕق و دوژمنایه‌تی" و "بانگه‌شه بۆ گرووپه تیرۆریستییه‌کان" حوکمی 9 ساڵ و 8 مانگ زیندانی بۆ ناوبراو ده‌رکرد.
به دوای ده‌رکردنی حوکمه‌که، ئه‌کره‌م ئیمامئۆغڵۆ شاره‌وانی گه‌وره‌شاری ئه‌سته‌نبۆڵ له لێدوانێکدا باسی له‌وه کرد: جه‌مسه‌ربه‌ندیی نێوان هاووڵاتییان له ڕێگای داده‌وه زه‌روور نییه. حوکمی ده‌رکراو بۆ سه‌رۆکی ته‌شکیلاتی جه‌هه‌په له ئه‌سته‌نبۆڵ ئازارده‌رانه و جێگای ناڕه‌حه‌تییه. جانان کفتانچی ئۆغڵۆ سه‌رۆکی ته‌شکیلاتی حیزبی دامه‌زرێنه‌ری جمهووریی تورکیایه. پێم وایه که هه‌نگاوی نایاساییی دادگه‌کان چاره‌سه‌ر ده‌بێت. تا کۆتایی پشتیوانی له جانان کفتانچی ئۆغڵۆ ده‌که‌ین.
سه‌رچاوه: ڕۆژنامه‌ی جمهوورییه‌ت
کۆدی هه‌واڵنێر: 60103
Your Comment