بەپێی هەواڵی کوردپرێس، تیئۆدور گاچل مێژوونووسی سەربازی لە ئەمەریکا لە وتارێکدا بە ناوی «خەیانەت لە کورد» سیاسەت و ستراتێژییەکانی ئەمەریکای هەمبەر کورد شی دەکاتەوە و بەو ئەنجامە گەیشتووە کە ئەمەریکا سیاسەتێکی ڕوون لەبارەی کورد پەیڕەو ناکات و بەپێی هەڵکەوتەی جوگرافی و کاتی ڕووداوەکان لەگەڵ کورد مامەڵە دەکات.
ناوبراو لە وتارەکەیدا کە گۆڤاری پرۆینس جورناڵ بڵاوی کردۆتەوە بڕوای وایە کە تەعامولی ئەمەریکا لەگەڵ کورد زۆر سەیرە چوونکە ژمارەیێک لە کوردەکان بە تیرۆریست دەزانێت و لەگەڵ هەندێک تریشیاندا هاوپەیمانی پێکدێنێت.
تیئۆدور گاچل بڕوای وایە کە کورد هاوپەیمانێکی باشە بۆ ئەمەریکا بەڵام ئەمەریکا تەعامولێکی باشی لەگەڵیاندا نییە.
هەڵبەت ناوبراو ئاماژه بەم بابەتەش دەکات کە کورد یەکدەست نییە و بۆ نموونە ئەگەر چاو لە کوردەکانی عێراق بکەین ژمارەیێکی زۆر بزووتنەوە و حزبی سیاسییان پێکهێناوە کە ڕێگا و ڕەوشتی جیاوازیان گرتووەتە بەر بۆیەش کوردەکانی عێراق لەو ڕیفراندۆمەدا کە بەڕێوەیان برد سەرکەوتوو نەبوون.
ئەم مێژوونووسە ئەمەریکیە ئاماژە بەم پرسەش دەکات کە وڵاتانی جیهانیش هەڵویستێکی یەکگرتوویان هەمبەر کورد نییە چوونکە پەکەکە لە هەندێک لە وڵاتەکان وەکوو ئەمەریکا، یەکێتیی ئەورووپا و ژاپۆن خراوەتە لیستی گرووپە تیرۆریستییەکان و هەندێک وڵات وەکوو میسر، ڕووسیا و سوییس پەکەکە بە تیرۆریست نازانن.
کۆدی هەواڵنێر: 60113
Your Comment