بەپێی هەواڵی کوردپرێس، سەرچاوە خۆجێییەکان بڵاویان کردەوە تەقینەوەیێکی بەهێز لە گوندی دادات سەربە شاری مەنبج کە لەژێر دەسەڵاتی سوپای ئازاددایە و لەلایەن تورکیاوە پشتگیری دەکرێن ڕوویداوە.
گوندی دادات لە باکووری مەنبج پاش ئۆپەراسیۆنی قەڵغانی فورات کە سوپای تورکیا لەو ناوچەیەدا ئەنجامی دا کەوتۆتە ژێر کونترۆڵی سوپای ئازاد و یەکێک لە شوێنە ستراتێژییەکانی ئەرتەشی ئازاد و سوپای تورکیا کە ڕێگای سەرەکیی مەنبج دێتە ئەژمار.
تەقینەوەکە لە وێستگەی پشکنینی سوپای ئازادی سووریا ڕوویداوە و ئەوندە بەهێز بووە کە لە مەنبج دەنگی تەقینەوەکە بیستراوە. بەگوێرە ڕاپۆرتە بەراییەکان تەقینەوەکە بە هۆی هەڵمەتێکی خۆکوژی بووە.
هێشتا زانیاریێک لەسەر ئامار قوربانیان و خەسارەکانی تەقنەوەکە بەدەست نەگەیشتووە.
سەرچاوە: KRDnews
کۆدی هەواڵنێر: 60113
Your Comment