کوردپرێس:

ڕۆژی شه‌ممه‌ 31ی ئابی 2019 وه‌زاره‌تی ناوخۆی عێراق له ‌به‌یاننامه‌یێكدا بڵاوی كردووه‌ته‌وه‌ که‌ مه‌فره‌زه‌كانی هه‌واڵگریی پۆلیسی فیدراڵی له‌سه‌ر زانیاریی وردی هه‌واڵگری مۆڵگه‌یێكی چه‌كدارانی داعشیان له ‌ناوچه‌ی "تل حمه‌" له ‌پارێزگای که‌رکووک دۆزیوه‌ته‌وه‌ که‌ له ‌ناو مۆڵگه‌كه‌دا 8 بۆمبی چێنراو و 100 گوله‌ی m16 و گوله‌نه‌بڕ و 4 موشه‌كی قازیفه‌ و 3 رومانه‌ و ئاڵای داعش و چه‌ندین كه‌لوپه‌لی‌تر ده‌ستیان به‌سه‌ر گیراوه‌.

هه‌روه‌ها له‌ به‌یاننامه‌که‌ی وه‌زاره‌تی ناوخۆی عێراقدا ڕوونیش کراوه‌ته‌وه‌ که‌ مه‌فره‌زه‌یێكی‌تریان توانیویانه‌ مۆڵگه‌یێكی‌تری داعش له‌ دێی "عنانه‌"ی هه‌مان پارێزگا بدۆزنه‌وه‌ كه‌ جلی سه‌ربازی و گوله‌ی BKC و جێگه‌ی خه‌وتن و چه‌ندین كه‌لوپه‌لی‌تری تێدا بووه‌.

وه‌زاره‌ته‌که‌ی عێراق ئاشکرای کردووه‌ كه‌لوپه‌له‌كان گواستراونه‌ته‌وه‌ و ڕاده‌ستی لایه‌نی تایبه‌تمه‌ند كراون و هه‌ر دوو مۆڵگه‌كه‌ش سووتێنراون.

سه‌رچاوه‌: ڕادیۆ نه‌وا

کۆدی هه‌واڵنێر: 60103