بەپێی هەواڵی کوردپرێس، عایشە حەسۆ، هاوسەرۆکی پارتی یەکێتیی دیموکراتیکی سووریا بە ئاژانسی هاوارنیووزی وتووە: دیاری کردنی قەیووم بۆ شارە کوردنشینەکانی تورکیا لەجێگای شارەوانە کوردە هەڵبژێردراوەکان کوودەتایێکی سیاسییە.

ناوبراو درێژەی دا: ئەو لەمپەڕانەی ئێستا تورکیا لە سیاسەتی ناوخۆ و دەرەوە تووشی بووە ئەنجامی دوور کەوتنەوە لە دیموکراسییە. دەوڵەتی تورکیا ئیرادەی خەڵک بە بنەما نازانێت. خەڵکی تورکیا دەبێت پاڵپشتی لە دیموکراسی بکەن.

عایشە حەسۆ لە درێژەی وتەکانیدا ئاشکرای دەکات: دەستنیشان کردنی قەیووم بۆ شارەوانیی شارە کوردەکانی تورکیا کاریگەریی لەسەر سیاسەتی دەرەوەی ئەم وڵاتە دەبێت و زیادی دەکات حکوومەتی تورکیا لە سیاسەتی ناوخۆیشدا خەریکی شکستهێنانە.

هاوسەرۆکی پارتی یەکێتیی دیموکراتیکی سووریا دەیشڵێت: فاشیزم لە حکوومەتی تورکیا گەیشتووتە ئەوپەڕی خۆی. حکوومەتی پارتی داد و گەشە ڕووی لە ڕووخانە. هاوکات لە سیاسەتەکانی دەرەوەشدا وەکوو قەیرانی سووریا شکستی هێناوە.

حەسۆ وەبیری هێنایەوە لە سەدەی 21دا ئاک پارتی بە عەقڵییەتی عوسمانییەوە دەجووڵێت.

کۆدی هەواڵنێر: 60113