به‌پێی هه‌واڵی کوردپرێس، محه‌مه‌د عوسمان له‌و باره‌یه‌وه‌ به‌ سۆمه‌ریه‌ نیووزی ڕاگه‌یاندووه‌: یه‌کێتی له‌سه‌ر سیاسه‌تی مام جه‌لال سه‌رۆک کۆماری پێشووی عێراق پاڵپشتی دابه‌ش کردنی پۆسته‌کان له‌ نێوان تێکرای ئیتنیکه‌کانی هه‌رێمی کوردستان ده‌بێت.

ناوبراو زیادی ده‌کات: پارتی دژ به‌ ناساندنی تێکڕای ئه‌و که‌سانه‌یه‌ که‌ ته‌عامول له‌گه‌ڵ به‌غدا ده‌که‌ن و داوای کاندیدێک بۆ پارێزگاریی که‌رکووک ده‌کات که‌ پاڵپشتی حکوومه‌تی هه‌رێمی کوردستان بێت و یه‌کێتییش له‌گه‌ڵ ئه‌و داوایه‌ی پارتی نییه‌.

شیاوی ئاماژه‌یه‌؛ پارتی دیموکراتی کوردستان پێشتر دژایه‌تیی خۆی له‌گه‌ڵ کاندید بوونی ڕزگار عه‌لی بۆ وه‌رگرتنی پۆستی پارێزگاریی که‌رکووک ڕاگه‌یاندبوو له‌به‌ر ئه‌وه‌ی ناوبراو له‌و که‌سانه‌ بووه‌ که‌ ڕێککه‌وتننامه‌ی له‌گه‌ڵ حه‌شدی شه‌عبی واژۆ کردووه‌.

کۆدی هه‌واڵنێر: 60103