به‌پێی هه‌واڵی کوردپرێس، فه‌لاح مسته‌فا که به مه‌به‌ستی دیدار له‌گه‌ڵ به‌رپرسانی ئه‌مریکا و که‌ندا سه‌ردانی ئه‌و دوو وڵاته‌ی کردووه له دیدار له‌گه‌ڵ به‌رپرسه ئه‌مریکییه‌کاندا داوای کردووه ئه‌مریکا به جیده‌وه هه‌وڵ بۆ ده‌ست پێکردنی گفتوگۆی نێوان هه‌ولێر و به‌غدا بدات.
ناوبراو داوای له ئه‌مریکییه‌کان کردووه ڕۆڵێکی چالاکتر بۆ چاره‌سه‌ری ته‌نگه‌ژه‌ی نێوان هه‌ولێر و به‌غدا بگێڕن تاوه‌کوو دڵنیا ببنه‌وه له جێگیر بوونی ئاگربه‌ستی هه‌میشه‌یی.
فه‌لاح مسته‌فا هه‌روه‌هاش جه‌ختی له‌سه‌ر داوای دووباره‌ی هه‌رێمی کوردستان بۆ گفتوگۆ کردن له‌گه‌ڵ به‌غدا له‌سه‌ر ئیداره‌ی ناوچه کێشه‌له‌سه‌ره‌کان به‌پێی میکانیزمی ئه‌منیی هاوبه‌ش کردۆته‌وه.
هه‌روه‌هاش به گوێره‌ی به‌یاننامه‌ی پێوه‌ندییه‌کانی ده‌ره‌وه‌ی حکوومه‌تی هه‌رێمی کوردستان ڕابێرت که‌ریم بریکاری وه‌زیری به‌رگریی ئه‌مریکا له پرسه ئه‌منییه نێوده‌وڵه‌تییه‌کان جه‌ختی کردۆته‌وه هه‌ولێر و به‌غدا هان ده‌دات بۆ ئه‌وه‌ی کێشه‌کانیان له ڕێگای گفتوگۆوه چاره‌سه‌ر بکه‌ن.
سه‌رچاوه: سپۆتنیک
کۆدی هه‌واڵنێر: 60103
Your Comment