بەپێی هەواڵی کوردپرێس فاتیمە ئایرم بەڕێوەبەری ئاژەڵپزیشکیی شاری ماکوو ڕۆژی دووشەمە 28ی گەلاوێژ لە لێدوانێکدا ڕایگەیاند لە چوار مانگی یەکەمی ساڵی 1398ەوە بە ڕێژەی 40 هەزار و 560 تەن هەموو جۆرە بەرهەمێکی ئاژەڵان و پەلەوەر لە دەروازەی سنووری بازرگانەوە ئاڵوگۆڕ کراوە.

ناوبراو سەبارەت بە بەرهەمەکانیش گوتی بریتین لەم بەرهەمانەی خوارەوە: هەویری مریشکی بەستوو، گۆشتی ڕەشەوڵاخ و گوێرەکە، خواردن و دانی پەلەوەر، گۆشتی بەستووی مریشک، گۆشتی بەستووی گا و گوێرەکە، پێستە مریشک، هەموو جۆرە شیر و شیرەمەنی.

مەرزی بازرگان دەروازەی ئاڵوگۆڕی بازرگانیی ئێرانە بەرەوە وڵاتانی ئەورووپی کە دەکەوێتە مەودای یەک کیلۆمەتریی قەزای بازرگان لە شاری ماکووی پارێزگای ئازەربایجانی ڕۆژئاوا.