به‌پێی هه‌واڵی کوردپرێس، شاهۆز حه‌سه‌ن هاوسه‌رۆکی پارتی کوردیی یه‌کێتیی دیموکراتیک به‌ ڕۆیتێرزی وت: به‌ له‌به‌رچاوگرتنی ئه‌وه‌ی هێشتاکه‌ ڕێگه‌چاره‌یێکی سیاسی بۆ کۆتایی هاتنی قه‌یرانی سووریا نه‌دۆزراوه‌ته‌وه‌ باشتر وایه‌ هاوپه‌یمانیی دژه‌داعش به‌ سه‌رکردایه‌تیی ئه‌مریکا ئۆپه‌راسیۆنه‌کانی له‌ ناو خاکی سووریا درێژه‌ پێ بدات.

شاهۆز حه‌سه‌ن ئه‌م لێدوانانه‌ی بۆ پشتڕاست کردنه‌وه‌ی وته‌ی جه‌یمز ماتیز وه‌زیری به‌رگریی ئه‌مریکا له‌باره‌ی پێویستیی به‌رده‌وام بوونی ڕۆڵی ئه‌مریکا له‌ سووریا ڕاگه‌یاندووه‌.

هاوسه‌رۆکی PYD زیاتر ده‌ڵێت: له‌به‌ر ئه‌م هۆکارانه‌ی ژێره‌وه‌ باشتر وایه‌ ئۆپه‌راسیۆنی هاوپه‌یمانان له‌ سوو‌ریا درێژه‌ی پێ بدرێت: نه‌دۆزینه‌وه‌ی ڕێگه‌چاری سیاسی بۆ قه‌یرانی سووریا، به‌رده‌وام بوونی ده‌ستێوه‌ردانی تورکیا و هه‌ندێ وڵاتانی دیکه‌ له‌ سووریا و به‌رده‌وام بوونی هه‌بوونی گرووپه‌کانی سه‌ر به‌ ئه‌لقاعیده‌ له‌و وڵاته‌.

کۆدی هه‌واڵنێر: 60103