به‌پێی هه‌واڵی کوردپرێس، مه‌حموود عوسمان وێڕای ئاماژه‌ به‌وه‌ی له‌ ئێستادا جۆرێک له‌ خۆشبینی هه‌یه‌ که‌ کێشه‌ی نێوان هه‌ولێر و به‌غدا چاره‌سه‌ر بکرێت وتی: پارته‌کانی کوردستان خه‌ریکی گفتوگۆن بۆ پێکهێنانی لێژنه‌یێک تاوه‌کوو سه‌ردانی به‌غدا بکات و ده‌ست بکاته‌ دانووستاندن بۆ چاره‌سه‌رکردنی کێشه‌کان.

عوسمان جه‌ختی کرده‌وه‌ به‌ بێ گفتوگۆ کێشه‌ و گرفتی نێوان هه‌ولێر و به‌غدا چاره‌سه‌ر نابێت و زیادی کرد: کورده‌کان خه‌ریکی لێکۆڵینه‌وه‌ن سه‌باره‌ت به‌ ڕێگا پێشنیارکراوه‌کان و داواکارییه‌که‌ی سه‌لیم جه‌بووری بۆ گه‌ڕانه‌وه‌ی تێکڕای نوێنه‌رانی په‌رله‌مانی هه‌رێم بۆ به‌غدا و درێژه‌دان به‌ چالاکییه‌کانیان.

سه‌رچاوه‌: که‌ناڵی ته‌له‌فزیۆنیی "دیجله‌"ی عێراق

کۆدی هه‌واڵنێر: 60103