بەپێی هەواڵی کوردپرێس، لە حاڵێکدا کە ڕەجەب تەییب ئەردۆغان لە سەر پرسی یه‌په‌گه‌ لە شاری سووچی لەگەڵ ڤلادیمیر پووتین دیدار دەکات، فەرماندە ڕووسییەکان و ئەندامانی YPG پرۆتۆکۆلی هاوبەشی ڕادەست کردنەوەی هاووڵاتییانی ڕووسیی ئەندامی داعشیان لە شاری قامیشلۆ واژۆ کرد.

یه‌په‌گه‌ 42 ئەندامی داعشی لەگەڵ بنەماڵەکانیان لە سووریا دەستگیر کردووە و بە شێوەی فەرمی ڕادەستی ڕووسیایانی کرد و پرۆتۆکۆلی هاوبەشی لەو بارەیەوە واژۆ کرد.

لەو کۆبوونەوە هاوبەشەدا ئەلیکساندر کیم ژەنەراڵی ڕووسی، زیاد سنسبی جێگری کۆمیتەی پێوەندییەکانی پەرلەمانی سووریا، عەبدولکەریم عومەر هاوسەرۆکی کاروباری دەرەوەی کانتۆنی جزیرە و نووری مەحموود وتەبێژی YPG بەشدار بوون.

کۆدی هه‌واڵنێر: 60113