به‌پێی هه‌واڵی کوردپرێس، عه‌بدولمالیک شه‌نبه‌زاده له‌وباره‌یه‌وه وتی: پاش بوومه‌له‌رزه‌ی شه‌وی ڕابردوو له ڕۆژئاوای وڵات به‌رپرسانی مۆزه‌خانه‌ی کۆنینه‌ناسیی ده‌ڕه‌شار دۆخه‌که‌یان لێکدایه‌وه و یه‌که‌م هه‌نگاویان بۆ پاراستنی ئاسه‌واری کۆنینه هه‌ڵگرت.
شه‌نبه‌زاده زیادی کرد: یه‌که‌کانی پاراستن و کارناسه‌کانی میرات فه‌رهه‌نگی بۆ تاوتوێ کردنی ڕێژه‌ی خه‌ساره‌کان له ئاسه‌واره مێژوویییه‌کاندا نێردراونه‌ته پارێزگا.
شه‌نبه‌زاده ئاماژه‌یه به‌وه‌ش کرد: ئاسه‌واری مێژووییی پارێزگای ئیلام که له کرماشانه‌وه نزیکن خه‌ساری زیاتریان لێکه‌وتووه.
پێشبینیش ده‌کرێت زیاتر له 7 ئاسه‌واری مێژووییی پارێزگای ئیلام که له سنووری کرماشانه‌وه نزیکن خه‌ساری جیدییان لێ که‌وتبێت.
شایانی باسه؛ بوومه‌له‌رزه‌یێک به گۆڕی 7.3 ڕیخته‌ر شه‌وی ڕابردوو کاتژمێر 21:48 خوله‌ک به‌شی ڕۆژئاوا و باکووری ڕۆژئاوای ئێرانی هه‌ژاند.
کۆدی هه‌واڵنێر: 60103
Your Comment