بەپێی هەواڵی کوردپرێس، عه‌لی حه‌مه‌ساڵح په‌رله‌مانتاری بزووتنه‌وه‌ی گۆڕان ڕۆژی 9ی ئه‌م مانگه له په‌یجی تایبه‌تی خۆی له تۆڕی كۆمه‌ڵایه‌تیی فه‌یسبووکدا نووسیی: "ڕۆژێک پێش داخستنی فڕۆكه‌خانه‌ی هه‌ولێر و سلێمانی، ئاشتی هه‌ورامی وه‌زیری سامانه سروشتییه‌كان، هه‌رێمی كوردستانی جێهێشتوه و ئێستاش له له‌نده‌نه".
سه‌باره‌ت به‌و مقۆمقۆیانه‌ش، سه‌فین دزه‌یی وته‌بێژی فه‌رمیی حكوومه‌تی هه‌رێمی كوردستان له لێدوانێكی تایبه‌تدا ڕایگه‌یاند، "ئاشتی هه‌ورامی هه‌ڵنه‌هاتووه و ئه‌و هه‌واڵانه‌ش که بڵاو كراونه‌ته‌وه ڕاست نیین و دووره له ڕاستییه‌وه".
ڕۆژی هه‌ینی وه‌زاره‌تی سامانه سروشتییه‌كان وه‌ڵامی په‌رله‌مانتاره‌كه‌ی گۆڕانی دایه‌وه و ڕایگه‌یاند، "ئێستا ئاشتی هه‌ورامی له چوارچێوه‌ی سه‌ردانێكی ڕه‌سمیدا له ده‌ره‌وه‌ی هه‌رێمه و سه‌رقاڵی یارمه‌تیدانی خه‌ڵكی هه‌رێمی كوردستانه بۆ ده‌ربازبوونی هه‌رێم له‌م قه‌یرانانه‌ی ئێستا".
په‌رله‌مانتاره‌كه‌ی گۆڕان له په‌یامێكدا ئاشكرای كردووه: "سامانه سروشتییه‌كان وه‌ڵامی منی داوه‌ته‌وه و ده‌ڵێت ئاشتی هه‌ورامی هه‌ڵنه‌هاتووه و به سه‌ردانی ڕه‌سمی له ده‌ره‌وه‌یه، بپرسن سه‌ردانی فه‌رمی 42 ڕۆژ؟ ڕۆژێک پێش داخستنی فڕۆكه‌خانه‌كان ڕۆیشتن تا ئێستا هه‌ڵهاتن نییه؟"
سەرچاوە: SNN
کۆدی هه‌واڵنێر: 60113
Your Comment