بەپێی هەواڵی کوردپرێس، شیروان زرار وتەبێژی کۆمیسیۆنی باڵای هەڵبژاردنەکانی هەرێم وتی: بە فەرمی داوایان لە سەرۆکایەتیی پەرلەمان و حکوومەت کردووە کە وادەی ئەنجامدانی هەڵبژاردنەکانی خولی پێنجەمی پەرلەمانی کوردستان و سەرۆکایەتیی هەرێم دیاری بکەن لە ساڵی ٢٠١٨دا.
هەروەها کۆمیسیۆن پێشنیازی کردووە کە لەگەڵ ئەنجامدانی هەڵبژاردنی پەرلەمان و سەرۆکایەتیی هەرێمدا، هەڵبژاردنی ئەنجومەنی پارێزگاکان ئەنجام بدرێت.
وتەبێژی کۆمیسیۆن ئەوەشی وت: سەبارەت بە ڕێکارەکان و تێچوونی ئەنجامدانی هەڵبژاردنەکانی هەرێم پێداچوونەوە بە کارەکانی کۆمیسیۆندا دەکەن و پەرلەمان و حکوومەت لە کارەکانیان ئاگادار دەکەنەوە.
ئەوەش لە کاتێکیدایە ڕۆژی ٢٤ی ئاکتەوبری ٢٠١٧ پەرلەمانی کوردستان بۆ ماوەی ٨ مانگ تەمەنی خۆی درێژ کردەوە.
هەروەها ڕۆژی ٢٨ی ئاکتەوبری ٢٠١٧ بارزانی نامەیێکی ئاراستەی پەرلەمان کرد و تێیدا داوای کرد کە یاسای سەرۆکایەتی هەموار نەکەنەوە و ماوەی سەرۆکایەتیی هەرێمیش درێژ نەکەنەوە. دواتریش پەرلەمانی کوردستان لە دانیشتنێکیدا لە ڕۆژی ٢٩ی ئاکتەوبردا بڕیاری دا بە دابەش کردنی دەسەڵاتەکانی سەرۆکایەتیی هەرێم بە سەر پەرلەمان و حکوومەت و دەسەڵاتی دادوەریدا.
سەرچاوە: NRT
کۆدی هه‌واڵنێر: 60113
Your Comment