به‌پێی هه‌واڵی کوردپرێس، پاش شه‌ش مانگ سه‌دان بنه‌ماڵه‌ی دانیشتووی گه‌ڕه‌کی "المشلب"ی شاری ڕه‌قه‌ بۆ خانووه‌کانیان گه‌ڕانه‌وه‌. دانیشتووانی ئه‌و گه‌ڕه‌که‌ یه‌که‌مین گرووپی دانیشتووانی ڕه‌قه‌ن که‌ پاش ئازادکردنه‌وه‌ی ئه‌و شاره‌ و پاککردنه‌وه‌ی به‌ ته‌واوه‌تی بۆ ئه‌و شاره‌ ده‌گه‌ڕێنه‌وه‌.

سوپای دیموکراتیکی سووریا ئیزنی سه‌دان بنه‌ماڵه‌ی دانیشتووی گه‌ڕه‌کی "المشلب"یان دا بگه‌ڕێنه‌وه‌ سه‌ر ماڵی و حاڵی خۆیان. ئه‌و بنه‌ماڵانه‌ به‌ مه‌به‌ستی ئه‌نجامدانی ئۆپه‌راسیۆنی ئازادکردنه‌وه‌ی ڕه‌قه‌ به‌ره‌و شوێنێکی ئه‌من گواسترابوونه‌وه.

گه‌ڕه‌کی "المشلب" هه‌ڵکه‌وتوو له‌ ڕۆژهه‌ڵاتی شاری ڕه‌قه‌یه‌ و نزیک به‌ 30 هه‌زار که‌س حه‌شیمه‌تی هه‌یه‌. ئه‌و گه‌ڕه‌که‌ یه‌که‌مین گه‌ڕه‌کێک بوو که‌ له‌لایه‌ن هێزه‌کانی کوردی- عه‌ره‌بی سوپای دیموکراتیکی سووریاوه‌ ئازاد کرا.

سه‌رچاوه‌: هاوار نیووز

کۆدی هه‌واڵنێر: 60103