به‌پێی هه‌واڵی کوردپرێس، ژووری ئۆپه‌راسیۆنی گه‌رده‌لوولی جزیره‌ سه‌ر به‌ سوپای دیموکراتیکی سووریا ئاماری ئه‌م 9 ڕۆژه‌ی دواییی ئۆپه‌راسیۆنی گه‌رده‌لوولی جزیره‌ ئاشکرا ده‌کات. به‌ گوێره‌ی ئاماره‌که‌ش له‌و 9 ڕۆژه‌دا وێستگه‌ی شه‌مه‌نده‌فه‌ڕی جه‌عفه‌ر 13 گوند و هه‌ندێک مه‌زرا و گرد و ته‌پۆڵکه‌ له‌ بنده‌ست تیرۆریستانی داعش ئازاد بوون.

به‌ گوێره‌ی ئه‌و زانیارییانه‌ی وه‌ده‌ست هاتوون سوپای دیموکراتیکی سووریا ئێستاکه‌ له‌ به‌شی ڕۆژهه‌ڵاتی ڕووباری فوراتدایه‌ و به‌رده‌وام ده‌بێت له‌ پێشڕه‌وییه‌کانی خۆی.

شیاوی ئاماژه‌یه‌؛ 58 تیرۆریستی داعشی له‌و 9 ڕۆژه‌ی دواییدا کوژراون و 5 ئۆتۆمبێلی هه‌ڵگری چه‌کی دۆشکه‌ و 2 تۆپی شه‌ڕی گرووپی تیرۆریستیی داعش تێکشکێندراون.

سه‌رچاوه‌: هاوار نیووز

کۆدی هه‌واڵنێر: 60103