به‌پێی هه‌واڵی کوردپرێس، حه‌مید گه‌لالی‌پوور سه‌رۆکی میرات فه‌رهه‌نگیی شاری سه‌قز سه‌ره‌ڕای ده‌ربڕینی ئه‌و هه‌واڵه وتی: حه‌مامی قه‌له‌نده‌ری سه‌قز بینایێکی کۆنی ئه‌و شاره‌یه که له گوندی قه‌له‌نده‌ردا ماوه‌ی چه‌ند ساڵی ڕابردوو به‌شێکی ڕووخاوه و خه‌ساری به‌رکه‌وتووه.
ناوبراو درێژه‌ی پێدا: ئێستا گوژمه‌یێکی 115 ملیۆن تمه‌نی له‌لایه‌ن ئیداره‌ی میرات فه‌رهه‌نگییه‌وه بۆ چێ‌کردنه‌وه و نۆژه‌ن کردنه‌وه‌ی ئه‌و ئاسه‌واره مێژووییه ته‌رخان کراوه و مامۆستا یه‌دوڵڵا بێنیاز سه‌رقاڵی نۆژه‌ن کردنه‌وه‌ی حه‌مامه‌که‌یه.
مێژووی حه‌مامی قه‌له‌نده‌ر ده‌گه‌ڕێته‌وه بۆ دوایین ساڵه‌کانی حکوومه‌تی قاجاره‌کان له ئێران و له‌لایه‌ن بنه‌ماڵه‌ی فه‌یزوڵڵابه‌یگییه‌وه چێ کراوه. به‌شه سه‌ره‌کییه‌کانی ئه‌و حه‌مامه بریتین له؛ سه‌رسه‌رای چوونه ژووره‌وه، بێنه، سه‌ربێنه، گه‌رم‌خانه، توالت، خه‌لوه‌تی و خه‌زێنه.
کۆدی هه‌واڵنێر: 60103
Your Comment