به‌پێی هه‌واڵی کوردپرێس، محه‌مه‌د ناجی له پرێس کۆنفڕانسێکدا ئاماژه‌ی به‌وه کرد که گشتپرسی کارێک به پێچه‌وانه‌ی ده‌ستووری عێراقه و مه‌سعوود بارزانی به به‌کارهێنانی ئه‌و بابه‌ته هه‌وڵه‌کانی بۆ زیاترکردنه‌وه‌ی ته‌نگه‌ژه له‌گه‌ڵ ده‌وڵه‌تی ناوه‌ندیی عێراق چڕ کردۆته‌وه و ڕای‌گه‌یاند: مکووڕبوون بۆ به‌ڕێوه‌بردنی گشتپرسیی هه‌رێمی کوردستان له پارێزگای که‌رکووک و دیکه‌ی ناوچه کوردنشینه‌کانی عێراق، کارێکی قبووڵ‌نه‌کراو له‌لایه‌ن پارته سیاسییه‌کانه‌وه‌یه که ڕوودانی شه‌ڕی ناوخۆیی لێده‌که‌وێته‌وه.
ناوبراو جه‌ختی کرده سه‌ر ئه‌وه‌ی تێکڕای به‌رپرسانی سیاسی و ده‌وڵه‌تی و په‌رله‌مانیی به‌غدا ته‌عامولێکی ئیجابییان له‌گه‌ڵ وه‌فدی کورد بوو که له‌مدواییانه‌دا سه‌ردانی به‌غدایان کردبوو و به‌و وه‌فده‌یان ڕاگه‌یاند هیچ ڕێگایێک جگه له گفتوگۆ و ڕێککه‌وتن له‌سه‌ر ده‌ستووری عێراق بۆ چاره‌سه‌رکردنی کێشه‌کانی هه‌ولێر- به‌غدا له‌ئارادا نییه.
محه‌مه‌د ناجی وتیشی: نه‌جمه‌ددین که‌ریم پارێزگاری که‌رکووک ئاوڕ له بڕیاره‌کانی ده‌وڵه‌تی فیدڕاڵ و ده‌زگای دادی عێراق ناداته‌وه.
سه‌رچاوه: هه‌واڵده‌ریی المنارپرس
کۆدی هه‌واڵنێر: 60103
Your Comment