بەپێی هەواڵی کوردپرێس، جووتیار عادل وتەبێژی حكوومەتی هەرێمی كوردستان بەبۆنەی ساڵیادی كیمیابارانی هەڵەبجەوە رایگەیاند: لەم یادە خەمناكەدا بە ڕێزەوە یادی شەهیدانی كیمیاباران كردنی هەڵەبجە دەكەینەوە كە لە تاوانێكی نامرۆڤانەداو لەلایەن رژێمی پێشووی عێراقەوە شەهید كران.
ناوبراو راشیگەیاندووە، سوپاسی ئەنجومەنی وەزیرانی فیدراڵ دەكەین كە رێكارەكانی بە پارێزگا كردنی هەڵەبجەی تەواو كرد و دووپاتی دەكەینەوە پێویستە حكوومەتی فیدراڵ هەست بە بەرپرسیاریەتی خۆی بكات بەوشێوەیەی كە لە دەستووردا هاتووە قەرەبوی كەس وكاری شەهیدان و ئەنفالكراوان بكاتەوە.