بەپێی هەواڵی کوردپرێس، ماڵپەڕی فەرمیی سەرۆکایەتیی هەرێمی کوردستان بڵاوی کردەوە "هه‌ردوولا ده‌رباره‌ی دوايين سه‌ردانى شاندى عێراق بۆ واشنتۆن و گفتوگۆکانى له‌گه‌ڵ به‌رپرسانى ئه‌مريکا، بره‌ودان به په‌يوه‌ندييه‌کانى ئه‌مريکا له‌گه‌ڵ عێراق و هه‌رێمى کوردستان له‌سه‌ر بنه‌ماى ڕێککه‌وتنى چوارچێوه‌ى ستراتيژيى نێوانیان و دۆخى عێراق، بیروڕایان گۆڕییه‌وه".
بلنکن پابه‌نديى وڵاته‌که‌ى به په‌يوه‌ندييه‌کانى له‌گه‌ڵ عێراق و هه‌رێمى کوردستان دووپات کرده‌وه، هه‌روه‌ها به بايه‌خه‌وه باسى له په‌يوندييه‌کانى هه‌ولێر ـ به‌غدا کرد که زۆر گرنگه په‌يوه‌ندييه‌کى سه‌قامگير بێت و کێشه‌کانيان چاره‌سه‌ر بکه‌ن.
لای خۆیه‌وه نێچيرڤان بارزانى، ئاماژه‌ى به گرنگيى به‌رده‌واميى پشتگيريى ئه‌مريکا بۆ عێراق و هه‌رێمى کوردستان کرد بۆ ڕووبه‌ڕووبوونه‌وه‌ى ئه‌و ئاڵنگارييانه‌ى ڕووبه‌ڕووى ده‌بنه‌وه.
Your Comment