کوردپرێس:
ئه‌نجومه‌نی ناوه‌ندیی یه‌كێتیی نیشتمانیی كوردستان له په‌یامێكی پیرۆزباییدا به بۆنه‌ی جه‌ژنی قوربانه‌وه ڕایگه‌یاند: "وه‌ک ئه‌نجومه‌نی ناوه‌ندی فشاره‌كانمان به‌رده‌وام ده‌بێت بۆ به‌ستنی كۆنگره‌ی چواره‌می یه‌كێتیی نیشتیمانی كوردستان له كۆتایی ئه‌مساڵدا و كۆده‌نگی سه‌رجه‌م ئۆرگانه‌كان و هه‌نگاوه‌كانی ئۆرگانه په‌یوه‌ندیداره‌كانی یه‌كێتی به ئه‌رێنی هه‌ڵده‌سه‌نگێنین."
هه‌روه‌ها له په‌یامه‌که‌ی ئه‌نجومه‌نی ناوه‌ندیی یه‌کێتیدا هاتووه: "پێویسته ئه‌نجومه‌نی سه‌ركردایه‌تی له كۆبوونه‌وه‌ی داهاتوودا بڕیار له‌سه‌ر دیاری كردنی ڕۆژی به‌ستنی كۆنگره بدات چوونكه هیچ له‌مپه‌ر و به‌ربه‌ستێكی جددی له به‌رده‌م ئه‌نجامدانی كۆنگره نه‌ماوه و به‌ستنی له كۆتایی ئه‌مساڵدا بۆته پێداویستییێكی گرنگ و هه‌نووكه‌یی بۆ یه‌كێتی."
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment