کوردپرێس:

محەمەد ئۆجالان، برای عەبدوڵا ئۆجالان ڕێبەری پەکەکە و پارێزەر مەزڵوم دینچ پارێزەری ڕێگەپێدراوی بنەماڵەی ئۆجالان، بۆئەوەی بەبۆنەی جەژنەوە سەردانی ئیمراڵی بکەن سەردانی داواکاری گشتیی کۆمارییان لە بۆرسا کرد.

هەروەها خانەوادەی زیندانییانی دیکەی زیندانی ئیمرالی حامیلی یڵدرم، عومەر خەیری کۆنار و ڤەیسەڵ ئاکتاش، لە ڕێگەی پاریزەرەکانیانەوە داوای بینیی کەسوکاریان کرد.

خانەوادەکانی حامیلی یڵدرم، عومەر خەیری کۆنار و ڤەیسەڵ ئاکتاش دوای ساڵی ٢٠١٥، بۆ یەکەمجار ٥ی حوزەیرانی ئەمساڵ توانییان چاویان بە کەسوکاریان لە زیندانی ئیمرالی بکەوێت.

هەروەها ڕۆژی ٧ی ئەم مانگەش پارێزەرانی عەبدوڵا ئۆجالان دوای ١٣ جار پێشکەشکردنی داواکاری توانییان چاویان بە بریگرتەکەیان بکەوێت و دوێنێ پەیامەکەی ئۆجالانیان بڵاوکردەوە.