کوردپرێس:

ژووری یاساییی ئاسرنێ له‌سه‌ر تۆڕی کۆمه‌ڵایه‌تیی توویته‌ردا ڕاگه‌یێندراوێکی بڵاو کرده‌وه‌ و باسی له‌وه‌ کرد که‌ عه‌بدوڵڵا ئۆجه‌لان سه‌رۆکی پارتی كرێكارانی كوردستان (په‌كه‌كه‌) چاوی به‌ پارێزه‌ره‌کانی خۆی که‌وتووه‌.

له‌ ڕاگه‌یه‌نراوه‌که‌دا هاتووه‌: "ڕۆژی چوارشه‌ممه‌ 7ی ئابی 2019 پارێزه‌رانی ژووری یاساییه‌که‌ی ئێمه‌ نه‌ورۆز ئویسال و ڕێزان ساریجا له‌ دوورگه‌ی ئیمراڵی چاویان به‌ عه‌بدوڵڵا ئۆجالان که‌وتووه‌."

شایانی باسه‌؛ نزیكه‌ی 45 ڕۆژ به ‌سه‌ر دوادیداری ئۆجه‌لان و پارێزه‌رانی تێپه‌ڕ ده‌بێت و له‌و ماوه‌یه‌دا چه‌ند جار ده‌سه‌ڵاتی دادوه‌ریی توركیا داواكاریی پارێزه‌رانی ئۆجه‌لانی بۆ سه‌ردانی كردنی دوورگه‌ی ئیمراڵی و دیدار له‌گه‌ڵ ئۆجه‌لان ڕه‌ت کردووه‌.

سه‌رچاوه‌: ڕۆژنامه‌ی ئۆرنسه‌ل

کۆدی هه‌واڵنێر: 60103