بەپێی هەواڵی کوردپرێس، فەرماندەی بارەگای پێشکەوتووی ئۆپەراسیۆنە هاوبەشەکان بە تۆڕی میدیایی رووداوی راگەیاندووە: "بە پشتبەستن بە زانیاریی هەواڵگری ورد، هێزە ئەمنییەکان بە پاڵپشتیی فڕۆکە جەنگییەکانی هاوپەیمانی نێودەوڵەتی لە باشووری رۆژئاوای داقووق چەکدارانی داعشیان کردە ئامانج و بەهۆیەوە 3 فەرماندەی داعش کوژران".
هاوکات هێزەکانی دژە تیرۆریش لە یەکێک لە گەڕەکەکانی شاری کەرکووک فەرماندەیێکی داعشیان دەستگیر کردووە.
بە گوتەی سەعد حەربیە، فەرماندەی بارەگای پێشکەوتووی ئۆپەراسیۆنە هاوبەشەکان جموجوڵی چەکدارانی داعش لە سنووری پارێزگای کەرکووک لاواز بووە، ئەو دەڵێت "ژمارەیێک لە داواکراوان، لەیاسا دەرچووان و شانەکانی داعش لە ناوچەکانی زگیتون و دۆڵی چای هەن، بەڵام رۆژانە لەلایەن هێزە ئەمنییەکانەوە دەکرێنە ئامانج".
کۆدی هەواڵنێر: 60133
Your Comment