عه‌لی باپیر، سه‌رۆکی کۆمه‌ڵی دادگه‌ری کوردستان، دوای کۆبوونه‌وه‌که‌ی له‌گه‌ڵ شانده‌که‌ی گۆڕان به میدیاکانی راگه‌یاند، پێویسته هه‌موو لایه‌نه‌کان پێکه‌وه زه‌مینه‌سازی بکه‌ن بۆ ئه‌نجامدانی هه‌ڵبژاردن و یاسای هه‌ڵبژاردن هه‌مواربکرێته‌وه.
ئاماژەى بەوەش کرد، هه‌ڵبژاردن ناکرێت، تا یاساکه‌ی هه‌موار نه‌کرێت و زه‌مینه‌ی بۆ نه‌ڕه‌خسێندرێت و له‌گه‌ڵ بزووتنه‌وه‌ی گۆڕانیشدا خاڵی هاوبه‌شمان زۆرن.
سەرۆکى کۆمەڵی دادگەری وتیشى، خاڵی هاوبه‌شمان ئه‌وه‌یه کۆکین له‌سه‌ر ئه‌وه‌ی دادگه‌ری له‌م وڵاته‌دا بچه‌سپێت، سته‌م نه‌مێنێت، قڕ و پڕی نه‌مێنێ، پێکه‌وه ته‌با بین، له‌گه‌ڵ به‌غدا و له‌ناو خۆدا رێک بین.
لەچەند رۆژی رابردووش بزووتنەوەى گۆڕان سەردانى یەکگرتووی ئیسلامیی کرد و هەردوولا داوایان کرد لە زووترین کاتدا وادەى هەڵبژاردن دیاری بکرێت و چیتر ئەو پرسە دوا نەخرێت.
Your Comment