کوردپرێس:

جۆزێف موسكات سەرۆك وەزیرانی ماڵتا رایگەیاند، لەژێر رۆشنایی داواكاری ئەڵمانیادا، حكومەتی ماڵتا رێگەدەدات بە 40 كۆچەرە نایاساییەكەی نێو كەشتی ئەڵمانیا 'ئالان كوردی' بۆئەوەی بچنە بەندەرەكە‌یەوە.

وتیشی "حكومەتی ئەڵمانیا و كۆمیسیۆنی یەكێتیی ئەوروپا كاریان كردوە لەسەر دابەشكردنی تەواوی ئەو كەسانە بەسەر وڵاتانی ئەندام لە یەكێتیی ئەوروپا و هیچ كۆچەرێكیش لە ماڵتا نامێنێتەوە".

كەشتی ''ئالان كوردی''ی سەربە رێكخراوی كۆمەڵگەی مەدەنی ئەڵمانیا ''Sea Eye چاوی دەریا''یە و لەنێو دەریادا دەگەڕێت بۆ رزگاركردنی ئەو كۆچەرانەی مەترسی خنكانیان لەسەرە.

لەو چوارچێوەیەشدا هەفتەی رابردو لە كەناراوەكانی لیبیا 40 كۆچەری نایاسایی رزگاركرد، بەڵام رێگەی پێنەدرا بچێتە سنورە ئاوییەكانی ئیتاڵیاوە.

*لە نەوا وەرگیراوە