کوردپرێس:
ڕۆژی یه‌کشه‌ممه 28ی ته‌مووزی 2019 مه‌هدی شووشته‌ری سه‌رکۆنسووڵی نوێی کۆماری ئیسلامیی ئێران به یاوه‌ریی شاندێک له ئه‌ندامانی کۆنسووڵخانه و له سه‌ره‌تای ده‌ستپێکردنی ئه‌رکه‌کانی گڵکۆی مام جه‌لال سکرتێری گشتیی کۆچکردووی یه‌کێتیی نیشتیمانیی کوردستان و سه‌رۆک کۆماری پێشووی عێراقی به سه‌ر کرده‌وه.
ناوبراو سه‌ره‌ڕای دانانی تاجه‌گوڵینه له‌سه‌ر گڵکۆی مام جه‌لال له کۆنفڕانسێکی ڕۆژنامه‌وانیدا ده‌وری جه‌لال تاڵه‌بانی بۆ په‌ره‌پێدان و پته‌وبوونه‌وه‌ی په‌یوه‌ندییه‌کانی ئێران له‌گه‌ڵ عێراق و به‌تایبه‌ت هه‌رێمی کوردستانی به گرنگ و کارا وه‌سف کرد.
شایانی باسه؛ شووشته‌ری جێگای سه‌عدوڵڵا مه‌سعوودیانی گرته‌وه که چه‌ندین ساڵ وه‌ک سه‌رکۆنسووڵی ئێران له سلێمانی ئه‌و پۆسته‌ی به‌ده‌سته‌وه بوو.
کۆدی هه‌واڵنێر: 60103
Your Comment