به‌پێی هه‌واڵی کوردپرێس، یاشار ئۆزلوو سه‌رۆکی ته‌شکیلاتی پارتی دیموکراتی گه‌لان (HDP) له‌ شاری کاغیزمانی پارێزگای قارسی تورکیا به‌ تۆمه‌تی ئه‌ندامێتی له‌ گرووپه‌ تیرۆریستییه‌کان زیندانی کرا.

هێزه‌کانی لقی به‌ره‌نگاربوونه‌وه‌ی تیرۆری پۆلیسی قارس سه‌رۆکی ته‌شکیلاتی پارتی دیموکراتی گه‌لانیان ده‌ستگیر کرد و دواتر دۆسیه‌که‌ی ڕه‌وانه‌ی دادگه‌ کرا و دادستێنیش حوکمی زیندانی‌کردنی بۆ ناوبراو ده‌رکرد.

پێشتریش ڕۆژی 4ی ئه‌یپڕێلی 2019 ئۆزلوو له‌ ماوه‌ی وته‌دانی له‌ میتینگی حیزبه‌که‌ی سووکایه‌تی به‌ ڕه‌جه‌ب ته‌ییب ئه‌ردۆغان سه‌رۆک کۆماری تورکیا کردبوو و به‌و بۆنه‌وه‌ ده‌ستگیر و دواتر ئازاد کرابوو.

سه‌رچاوه‌: ڕۆژنامه‌ی ته‌قویمی تورکیا

کۆدی هه‌واڵنێر: 60103