به‌پێی هه‌واڵی کوردپرێس، عه‌بدولکه‌ریم سارۆخان ئه‌ندامی ئه‌نجومه‌نی ناوه‌ندیی پارتی یه‌کێتیی دیموکراتی سووریا له لێدوانێکدا ئاماژه‌ی به سه‌فه‌ری ئه‌مدواییه‌ی نوێنه‌ری ڕێکخراوی نه‌ته‌وه یه‌کگرتووه‌کان له کاروباری سووریا بۆ دیمه‌شق و ده‌وری ئیداره‌ی خۆسه‌ری باکوور و ڕۆژهه‌ڵاتی سووریا له چاره‌کردنی قه‌یرانی ئه‌و وڵاته کرد و گوتی: ئه‌گه‌ر ئیداره‌ی خۆسه‌ری باکوور و ڕۆژهه‌ڵاتی سووریا له دانووستانی چاره‌کردنی قه‌یرانی ئه‌و وڵاته به‌شداری نه‌کات ئه‌وا ئه‌نجامێکی جیدی لێناکه‌وێته‌وه.
ناوبراو له درێژه‌ی لێدوانه‌کانیدا زیادی کرد: ئیداره‌ی خۆسه‌ری باکووری سووریا نوێنه‌ری 30 له‌سه‌دی خه‌ڵکی ئه‌و وڵاته‌یه. هه‌روه‌ها بۆ شکست‌هێنانی سیاسی و سه‌ربازیی داعش له سووریا و یه‌کده‌نگ‌کردنی خه‌ڵکی ئه‌و وڵاته ده‌ورێکی گه‌وره‌ی گێڕاوه.
ئه‌م لێدوانانه له حاڵێکدا ئه‌نجام ده‌درێت که هه‌فته‌ی له‌مه‌وبه‌ر گیر پترسۆن نوێنه‌ری تایبه‌تی ڕێکخراوی نه‌ته‌وه یه‌کگرتووه‌کان بۆ کاروباری سووریا سه‌ردانی دیمه‌شقی کرد و به هه‌واڵنێری ڕاگه‌یاندبوو: دیدارگه‌لێکی زۆر ئیجابی و سازێنه‌رمان ئه‌نجام داوه و له ڕۆژانی داهاتوودا کۆمیسیۆنی داڕشتنی ده‌ستووری نوێی سووریا پێک دێت.
سه‌رچاوه: هه‌واڵده‌ریی KRDnews
کۆدی هه‌واڵنێر: 60103
Your Comment