بەپێی هەواڵی کوردپرێس، بەرەبەیانیی ئەمڕۆ 25ی پووشپەڕ مامۆستا محەمەدسابیر سابیر لە هونەرمەندانی گەورەی کورد و هەڵگری میدالیای پلە یەکی هونەر، لە تەمەنی 74 ساڵیدا کۆچی دوایی کرد.

مامۆستا محەمەدسابیر سابیر دامەزرێنەری ئەنجومەنی خۆشنووسانی کوردستان بوو کە پاش چەندین ساڵ نەخۆشیی شێرپەنجە ئەمڕۆ لە نەخۆشخانەی کەوسەری شاری سنە گیانی سپارد.

ڕێوڕەسمی ئەسپەردە کردنی ئەم هونەرمەندە بەناوبانگەی کورد کاتژمێر 18ی دوانیوەڕۆی ئەمڕۆ 25ی 4 لە بەشی هونەرمەندانی بەهەشتی محەمەدی بەڕێوە دەچێت.

مامۆستا محەمەدسابیر سابیر ساڵی 1324 لە شاری سەقز لە دایکبووە و دەرچووی ساڵی 1351ی بەشی هونەری ئەنستیتۆ هونەری تاران بووە.

کۆدی هەواڵنێر: 60113