کوردپرێس:

تەلەڤزیۆنی ئێن ئاڕتی لە هەواڵێکدا ڕایگەیاند بۆمبێکی چێنراو لە شەقامێکی کەرکووک لە گەڕەکی دومیز بە ماتۆڕێکدا تەقیوەتەوە و بەو بۆنەیەشەوە یەک کەس گیانی لە دەست دا و دووی دیکەش بریندار بوون.

پاش ڕوودانی تەقینەوەکە دەستبەجێ هێزە ئەمنییەکانی کەرکووک گەیشتنە شوێنی ڕووداوەکە و ڕێوشوێنی ئەمنی گیرایە بەر و برینداران بۆ نەخۆشخانەی کەرکووک گوازرانەوە.

شانه‌ى راگه‌یاندنى ئه‌منى سه‌باره‌ت به‌ ته‌قینه‌وه‌كه‌ى شارى كه‌ركووک به‌یاننامه‌یێکی بڵاو كرده‌وه‌ و تێیدا هاتووه‌، ئه‌و دوو تیرۆریسته‌ى ته‌قه‌مه‌نییه‌كانیان گواستوه‌ته‌وه‌ له‌كاتى ته‌قینه‌وه‌یدا كوژراون.

شانه‌ى راگه‌یاندنى ئه‌منى ڕوونكردنه‌وه‌ی زیاتری داوه‌ و ئاماژه‌ی به‌وه‌كردوه‌، بۆمبێك به‌ دوو تیرۆریست بوه‌ و ئه‌وكاته‌ی به‌سوارى ماتۆڕسكیلێكه‌وه‌ بوون و سه‌رقاڵی گواستنه‌وه‌ی بوون، به‌خۆیاندا ته‌قیوه‌ته‌وه‌ و هه‌ردووكیان كوژراون و كه‌سێكى نزیكی ڕووداوه‌كه‌ش برینداربوه‌.

شانه‌ى راگه‌یاندنى ئه‌منى ڕوونیشی كردوه‌ته‌وه‌، ته‌قینه‌وه‌كه‌ له‌ناوچه‌ى یه‌كى ئازار له‌شارى كه‌ركووک ڕووی داوه‌.