به‌پێی هه‌واڵی کوردپرێس، فاتیمه کۆرتۆلان سه‌رۆکی فراکسیۆنی پارتی دیموکراتی گه‌لان (HDP) له لێدوانێکدا ڕه‌خنه‌ی توندی له ڕه‌فتاری ئه‌مدواییه‌ی ئیی پارت گرت که له‌سه‌ر دیمانه‌ی عوسمان ئۆجه‌لان له‌گه‌ڵ ته‌له‌فزیۆنی TRTی کوردی قسه‌ی کردبوو و ڕای‌گه‌یاند: ئیی پارت به ئێوه‌ی ڕاده‌گه‌یێنم که واز له تێکه‌ڵ‌کردنی بابه‌تێکی گرینگ وه‌ک کاروباری کورد له‌گه‌ڵ بابه‌تی تیرۆریست و خستنه‌پاڵ تۆمه‌تگه‌لێکی جۆراوجۆر به هه‌ده‌په بهێنن. سه‌ره‌ڕای ئاماده‌بوونی ئێوه، له‌و هاوپه‌یمانێتییه که به‌شداریتان کرد لایه‌نگرانی هه‌ده‌په و په‌که‌که‌ش ده‌نگیان دا.
ناوبراو له درێژه‌ی لێدوانه‌کانیدا گوتیشی: ئێوه له ئێستادا به ده‌نگی لایه‌نگرانی ئه‌م حیزبه له‌سه‌ر کورسیی په‌رله‌مان دانیشتوون. له‌م هاوپه‌یمانێتییه، هاوپه‌یمانێتییێک که له‌گه‌ڵ پارتی کۆماریخوازی گه‌لی تورکیا ئه‌نجامتان داوه کارتێکه‌ریی ده‌نگه‌کانی هه‌ده‌په به‌رچاوه. له ئێستادا چ ده‌که‌ن و له‌سه‌ر ئه‌م بابه‌ته چون قسه ده‌که‌ن که‌مێک بیر بکه‌نه‌وه و دواتر قسه‌کانتان بڵێین.
سه‌رچاوه: ڕۆژنامه‌ی حوڕییه‌ت
کۆدی هه‌واڵنێر: 60103
Your Comment