کوردپرێس: ئاژانسی هه‌واڵی فه‌ره‌نسا، راپۆرتێكی بڵاو كردوه‌ته‌وه‌ و ئاشكرای كردوه‌: "حكوومه‌تی عێراق حسابێكی بانكیی بۆ ئێران كردوه‌ته‌وه‌ كه ‌تیایدا پاره‌ی ئه‌و گازو كاره‌باییه‌ی له‌و وڵاته‌ی ده‌كڕێت داده‌نێت".

روونیشكراوه‌ته‌وه‌:" ئێران ناتوانێت پاره‌ له‌و حسابه‌ وه‌ربگرێت، به‌ڵام ده‌توانێت بۆ كڕینی خۆراک و ده‌رمان به‌كاری بهێنێت".

باس له‌وه‌ش كراوه‌: " ئه‌مریكا له‌و حسابه ‌بانكیه‌ ئاگاداره‌ ".

بیژه‌ن زه‌نگه‌نه‌ وه‌زیری نه‌وتی ئێران ئه‌وه‌ی وتووه‌:" عێراق دوو ملیارد دۆلار قه‌رزاری گازو كاره‌بایی ئێرانه‌".

هه‌ر به‌پێی زانیاریه‌كان ئه‌و حسابه‌ بانكیه‌ به‌دیناری عێراقی ده‌بێت و له ‌بانكێكی عێراقی ده‌بێت.

کۆدی هەواڵنێر: 60113