بەپێی هەواڵی کوردپرێس، شاندێک لە نوێنەرانی پارتی دیموکراتیکی گەلان (هەدەپە) لە شارەوانیی گەورەشاری ئیستامبۆڵ لەگەڵ ئەکرەم ئیمام ئۆغڵۆ شارەوانی ئەو شارە کۆ بوونەوە و پیرۆزباییان لێ کرد بەبۆنەی سەرکەوتنی لە هەڵبژاردنی 23ی حوزەیراندا.
پاش ئەو دیدارە هەدەپە پەیامێکی لە پەیجی تایبەتی خۆیدا لە توویتەر بڵاو کردەوە و ڕایگەیاند: "هیوای سەرکەوتنمان هەیە بۆ جەنابی ئیمام ئۆغڵۆ لە ئەرکەکانیدا وەکوو شارەوانی ئیستامبۆڵ".
لەو دیدارەدا، عسن گل دمیر و چەنگیز چیچەک، هاوسەرۆکانی هەدەپە لە پارێزگای ئیستامبۆڵ بە یاوەریی ئورول قاترچی ئۆغڵۆ، نوێنەری ئیستامبۆڵ لە پەرلەمانی تورکیا و هەروەها سەلیم کاپان ئەندامی ئەنجومەنی ناوەندیی هەدەپە لەگەڵ ئیمام ئۆغڵۆ کۆ بوونەوە.
سەرچاوە: ڕۆژنامەی دیوار
کۆدی هەواڵنێر: 60113
Your Comment