کوردپرێس:

سه‌رۆکایه‌تیی داواکاری گشتیی بۆرسا داواکاریی بینینی خانه‌واده‌ی ئۆجه‌لان له‌گه‌ڵ عه‌بدوڵڵا ئۆجه‌لان ڕێبه‌ری زیندانی‌کراوی په‌که‌که‌ی ڕه‌ت کرده‌وه‌.

به‌ گوێره‌ی ئه‌و زانیارییانه‌ی ده‌ست که‌وتووه‌ ڕۆژی هه‌ینی 29ی حوزه‌یرانی 2019 محه‌مه‌د ئۆجه‌لان برای عه‌بدوڵڵا ئۆجه‌لان و مه‌زڵووم دینچ وه‌سیی بنه‌ماڵه‌ی ئۆجه‌لان و که‌سوکاری سێ زیندانیی دیکه‌ بۆ ئه‌وه‌ی بتوانن سه‌ردانی ئیمرالی بکه‌ن له‌ ڕێگه‌ی پارێزه‌رانه‌وه‌ داواکارییێکیان پێشکه‌شی سه‌رۆکایه‌تیی داواکاری گشتیی شاری بۆرسا کرد به‌ڵام داواکه‌یان ڕه‌ت کرایه‌وه‌.

شایانی باسه‌ ڕه‌ت‌کردنه‌وه‌ی داواکاریی بینینی ئۆجه‌لان له‌لایه‌ن بنه‌ماڵه‌که‌یه‌وه‌ له‌ حاڵێکدا ئه‌نجام ده‌درێت که‌ یه‌که‌مین جاره‌ پاش هه‌ڵبژاردنی 23ی جوونی ئه‌سته‌نبۆڵ بنه‌ماڵه‌ی ئۆجه‌لان داواکاریی بینینی ناوبراویان کردووه‌ و‌ ئه‌مه‌ش ئه‌م پرسیاره‌ دێنێته‌گۆڕێ که‌ ئایا ڕێگه‌دان به‌ بینینی پارێزه‌ران و بنه‌ماڵه‌ی عه‌بدوڵڵا ئۆجه‌لان پێش هه‌ڵبژاردنی هه‌ستۆکی ئه‌سته‌نبۆڵ ته‌نها فێڵێکی هه‌ڵبژاردن بووه‌ یان نا؟

سه‌رچاوه‌: فورات نیووز

کۆدی هه‌واڵنێر: 60103