بەپێی هەواڵی کوردپرێس، لە دیداری عبادی و پارێزگاری نەینەوا کە بە ئامادە بوونی کارناسانی کونسولخانە بەڕێوە چوو، پێوەندییەکانی کۆماری ئیسلامیی ئێران و کۆمری عێراق قووڵ و دۆستانە وەسف کرا.
لەو دیدارەدا کونسولی ئێران هیوای خواست خەڵک و حکوومەتی عێراق بە هەمان شێوەی کە لە شەڕی داعشدا سەرکەوتن لە ئاودان کردنەوەی عێراقیشدا سەرکەوتوو بن.
هەروەها لەم دیدارەدا سەبارەت بە هاوکاریی بازرگانی و سەرمایەدانەری هاوبەش گفتوگۆ کرا و پارێزگاری نەینەوا وێڕای بانگهێشتی کۆمپانیا ئێرانییەکان داوای کرد پیشانگای کەل و پەلی ئێرانی لە مووسڵ بکرێتەوە.
عبادی لە سەفەرەکەیدا سەردانی زانستگای مووسڵی کرد و لەبارەی ئەو سەردانەوە ڕایگەیاند: بەرز کردنەوەی پێگەی زانستی و ڕاهێنان ئامانجی زانکۆکانە و ئەمەش بەدی ناکرێت تاکوو تەعامولێکی سازندە لەنێوان زانکۆکاندا دروست بێت بۆیەش زانکۆکانی ئێران ئامادەن بۆ دروست کردنی پێوەندییێکی باش و بنەڕەتی لەگەڵ زانکۆکانی عێراقدا هەوڵەکانیان دەست پێبکەن.
کۆدی هەواڵنێر: 60113
Your Comment