کوردپرێس:

دایرەی پێوەندییە گشتییەکانی زانکۆ کوردستان ڕایگەیاند سەپۆزیۆمی نێودەوڵەتیی applied computing بۆ ماوەی دوو ڕۆژ لە ڕۆژانی چوارشەمە و پێنجشەمە 29 و 30ی جۆزەردان بەرانبەر بە 19 و 20ی حوزەیرانی 2019 بە هاوبەشی لە نێوان زانکۆی کوردستانی شاری سنە و زانکۆی ڕاپەڕین لە هەرێمی کوردستان بەڕێوە چوو.

سەمپۆزیۆمەکە بە میواندارێتیی زانکۆی ڕاپەڕین لە هەرێمی کوردستان بەڕێوە چوو و تێیدا پسپۆڕان و مامۆستایانی بواری کۆمپیتەر لە زانکۆکانی هەرێمی کوردستانەوە بەشدارییان کردبوو.

لە سەمۆزیۆمەکەدا دوکتور فەردین ئەخلاقیان و دوکتور عەلیڕەزا عەبدوڵڵاپووری و دوکتور پەرهام مورادی لە زانکۆی کوردستانەوە وەکوو وتاربێژی بانگهێشتکراوە لە پەنێلێکی تایبەتدا وتارەکانیان پێشکەش کرد.

هەر لە سەپۆزیۆمەکەدا 8 وتاری مامۆستایانی زانکۆ و خوێندکارانی ماستەر و دۆکتۆری لە بەشی کۆمپیتەر پێشکەش کران.

هەر لە پەراوێزی سەپۆزیۆمەکەشدا هەردوو زانکۆی کوردستان و زانکۆی ڕاپەڕین باس و ڕاگۆڕینەوەیان کرد لەبارەی هاوکاریی زیاتر لە بەشی کۆمپیتەر و دامەزراندنی بەشە ناوخۆی هاوبەش و هاوکاریی زانستی و توێژینەوەییی زیاتر.