کوردپرێس:
ڕۆژی سێشه‌ممه 18ی حوزه‌یرانی 2019 ئه‌نجومه‌نی ئاسایشی نێوده‌وڵه‌تی له‌باره‌ی ڕه‌وشی ئیدلب كۆ بووه‌وه که له كۆبوونه‌وه‌كه‌دا به‌شاری ئه‌سه‌دی نوێنه‌ری سووریا له نه‌ته‌وه یه‌کگرتووه‌کان گوتی: "له ناوچه‌كه‌دا ئێمه و توركیا ده‌مێنینه‌وه به هۆی ئه‌و مێژوو و جوگرافیایه‌ی هه‌مانه."
ناوبراو سه‌باره‌ت به ئیدلبیش گوتی: "كێشه‌یێک له ئیدلب هه‌یه و پێویسته مامه‌ڵه‌ی له‌گه‌ڵدا بكرێت به‌ڵام باسی هۆكاری كێشه‌كه ناكرێت كه به‌رده‌وام بوونی حکوومه‌تی توركیا و هاوپه‌یمانه‌كانییه‌تی له هاوكاری كردنی گرووپه تیرۆریستییه‌كان. هه‌روه‌ها خۆدزینه‌وه‌ی توركیایه له‌و پابه‌ندییانه‌ی به هۆی ڕێككه‌وتنی دروست بوونی ناوچه ئارامه‌كان و تێگه‌یشتنه‌كانی ئه‌ستانه و سوچی دیاری كراون."
به‌شار جه‌عفه‌ری زیادی کرد: "به‌و هۆیه‌وه به‌ره‌ی نوسره كه هه‌زاران تیرۆریستی بیانی له ڕیزه‌كانیدان توانیی ده‌ست بگرێت به سه‌ر ئیدلب و ده‌وروبه‌ریدا و سه‌دان هه‌زار هاووڵاتی مه‌ده‌نی وه‌ک قه‌ڵغانی مرۆیی به‌كار بهێنێت و دڕندانه‌ترین تاوانی مرۆیی ئه‌نجام بدات و شوێنه گشتی و خزمه‌تگوزارییه گشتییه‌كان بكاته زیندان بۆ ئه‌شكه‌نجه‌دان و زیندانی كردنی هاووڵاتییان و ئه‌وانه‌ی فیكری ته‌كفیری و توندڕه‌وانه‌ی ئه‌و په‌سند ناكه‌ن."
کۆدی هه‌واڵنێر: 60103
Your Comment