بەپێی هەواڵی کوردپرێس، کەناڵی تەلەفزیۆنیی کوردستان24 رایگه‌یاند، شانده‌که پێکهاتوون له هه‌ریه‌ک له ئومێد سه‌باح، سه‌رۆکی دیوانی ئه‌نجوومه‌نی وه‌زیران، ئانۆ جه‌وهه‌ر، وه‌زیری گواستنه‌وه و گه‌یاندن، محه‌مه‌د شوکری، سه‌رۆکی ده‌سته‌ی وه‌به‌رهێنان، گوهدار شێخۆ، سه‌رپه‌رشتیاری ئیداره‌ی زاخۆ، سامی جه‌لال، راوێژکار له وه‌زاره‌تی ناوخۆ و عه‌بدولسه‌لام ره‌شید، به‌رپرسی به‌شی تورکیا له فه‌رمانگه‌ی په‌یوه‌ندییه‌کانی ده‌ره‌وه‌ی حکوومه‌تی هه‌رێمی کوردستان.
شاندی حکوومه‌تی هه‌رێم له ئه‌نقه‌ره له‌گه‌ڵ هه‌ریه‌ک له وه‌زاره‌تی بازرگانی، گواستنه‌وه، ده‌سته‌ی وه‌به‌رهێنان، وه‌زاره‌تی ناوخۆ و دارایی تورکیا کۆ ده‌بێته‌وه.
هه‌ریه‌ک له پرسه‌کانی پێشخستنی په‌یوه‌ندییه ئابووریی و بازرگانییه‌کان و ئاسایشی سنوور و ئاسانکاری زیاتر بۆ هاتوچۆی هاووڵاتیان له دیارترین پرسه‌کانی جێی بایه‌خی شاندی هه‌رێمی کوردستانن.
Your Comment