بەپێی هەواڵی کوردپرێس، ڕووداوەکە لەنێوان دوو بنەماڵەدا ڕوویدا و بەوتەی پۆلیسی سلێمانی، ڕووداوەكە لەسەر کێشەی زەوی و زار ڕوویدا کەسێک گیانی لەدەستداوە و برینداربوونی 4 کەسی تر.

لای خۆیەوە بەڕێوەبەرایەتی پۆلیسی پارێزگای سلێمانی ڕایگەیاند، چوار تۆمەتبار بەتۆمەتی ڕووداوەکەی ئێوارەی دوێنێی شەقامی بازنەیی مەلیک مەحمود دەستگیرکران.

لە ڕاگەیەندراوەكەی بەڕێوەبەرایەتی پۆلیسی پارێزگای سلێمانیدا هاتووە: دوای ئەوەی ڕووداوێکی تەقەکردن لەشەقامی بازنەیی مەلیک مەحموود ڕوویدا، ھێزەکانی پۆلیس چوار تۆمەتباریان دەستگیرکرد.

پۆلیسی سلێمانی ئاماژەی بەوە كردووە، چوار تۆمەتباریان دەستگیركردووە و و دەستیان بەسەر چوار ئۆتۆمبێل و چەند پارچە چەکێکدا گرتووە و ئەوەش خراوەتەڕوو، لەئێستادا پەڕاوی لێکۆڵینەوە بۆ ڕووداوەکە کراوەتەوە و ھەر تۆمەتبارێکی تر لە ڕووداوەکە تێوەگلابێت دەستگیر دەکرێت.