بەپێی هەواڵی کوردپرێس، وەزارەتی بەرگریی تورکیا لە هەژماری فەرمیی خۆی لە تویتەر رایگەیاند، رۆژی چوارشەممە 4ی ئایاری 2022 لە ناوچەی ئۆپەراسیۆنی چڵە زەیتوون لە باکووری سووریا بە مووشەک هێرشکراوەتە سەر یەکەیەکی سەربازیی سوپای تورکیا.

لە ئەنجامی هێرشەکەدا ئەفسەرێک بە ناوی تالها بەهادر بە قورسی برنیداربووە و دوای ئەوەی گەیێندراوەتە نەخۆشخانە گیانی لەدەستداوە.

وەزارەتی بەرگریی تورکیا دەڵێت، دوای هێرشەکە بنکەکانی یەپەگەیان کردووەتە ئامانج و بەگوێرەی زانیارییە سەرەتاییەکان 24 شەڕڤانی یەپەگە کوژراون. یەپەگە هیچ لێدوانێکی لەبارەی ئەو زانیارییانەی وەزارەتی بەرگریی تورکیا نەداوە.