بەپێی هەواڵی کوردپرێس، ئارێز عه‌بدولا ئه‌ندامى مه‌کته‌بى سیاسى یه‌کێتى نیشتیمانى کوردستان ڕایگه‌یاند، له به‌شێک له خاڵه سنووریه‌کان دوو ده‌فته‌رى کۆکردنه‌وه‌ى داهات هه‌یه یه‌کێکیان بۆ حکوومه‌ته و ئه‌ویتر داهاته‌که‌ى بۆ حکوومه‌ت نیه.
ناوبراو وتیشى، چه‌ند خاڵێکى سنوورى نافه‌رمى هه‌یه داهاته‌که‌ى رۆژانه به‌ملیۆن دۆلاره و ئه‌گه‌ر په‌رله‌مان هه‌ر قسه‌یه‌ک له‌م باره‌یه‌وه بکات حکوومه‌ت هیچ گوێى لێ ناگرێت.
باسى له‌وه‌ش کرد، گه‌وره‌ترین کێشه ئه‌وه‌یه حکوومه‌ت گوێ له په‌رله‌مان و ئه‌نجومه‌نى پارێزگاکان ناگرێت و ئێستا جۆرێک ناوه‌ندێتى جێبه‌جێ ده‌کرێت بۆ هه‌رێمى کوردستان نابێت.
ئارێز عه‌بدوڵا جه‌خت له‌وه‌ش ده‌کاته‌وه، کێشه له هه‌ولێر و دهۆکیش هه‌یه و به‌ڵام له هه‌ولێر و دهۆک ڕێگه به وه‌ده‌نگ هاتنى هاووڵاتیان نادرێت و ده‌ڵێت "له هه‌رێمى کوردستان په‌رله‌مان و سه‌رۆکایه‌تى هه‌رێم بێ ڕۆڵکراوه و وه‌ک ده‌زگایه‌کى زیاده مامه‌ڵه‌یان له‌لایه‌ن حکوومه‌ته‌وه له‌گه‌ڵ ده‌کرێت.
Your Comment