ڕێزان ناسان، ئەندامی پارتی دیموکراتی کورد لە سووریا (P.D.K.S) لە گفتوگۆ لەگەڵ کوردپرێسدا ئاماژەی دا بە سێهەمین ساڵۆگەری شکستی داعش لە باغووز لە ڕۆژهەڵاتی دەیرەزور و وتی: داعش لەبواری سەربازی و لۆجستییەوە شکستی هێناوە بەڵام لە بواری ئایدۆلۆژییەوە هێشتا لە ناوچەکە بوونی هەیە و ناوە ناوە شانە نووستوەکانی ئەو گرووپە هەڵمەتی تیرۆریستی لە ناوچە جیاوازەکان ئەنجام دەدەن.

ناوبراو درێژەی دا: دۆخی ئەمنی ناوچەکە لە چاو ڕابردوودا زۆر باشتر بووە و خوێنی 12 هەزار شەهیدی شەڕی داعش بە فیڕۆ نەچووە.

ئەندامی پارتی دیموکراتی کورد لە سووریا (P.D.K.S) دەڵێت لە ئێستادا هێزەکانی ئێمە لە ئەو پەڕی ئامادەباشیدان و بۆ جێگیر کردنی ئاسایش و سەقامگیری هەموو هەوڵەکانی خهیان خستۆتە گەڕ.

ناوبراو ئاشکرای کرد: ڕووداوەکانی گرتووخانەی حەسەکە بووە هۆی ئەوەی کە داعش کەڵک لە بۆشایی ئەمنی وەربگرێت و ئەمەش دەریدەخات مەترسیی داعش هێشتا ماوە.