کوردپرێس:

نووسینگه‌ی سه‌رۆکوه‌زیرانی عێراق له‌ به‌یاننامه‌یێکدا بڵاوی کرده‌وه‌: "ڕۆژی هه‌ینی 14ی حوزه‌یرانی 2019 عادل عه‌بدولمه‌هدی له‌لایه‌ن مایک پۆمپیۆوه‌ په‌یوه‌ندی پێوه ‌کراوه‌ و تێیدا گفتوگۆ له‌سه‌ر پته‌وکردنی په‌یوه‌ندییه‌کانی هه‌ر دوو وڵات کراوه‌ و بیروڕا ئاڵوگۆڕ کراوه‌ له‌باره‌ی پێشهاته‌کانی ناوچه‌که‌ له‌ گرژییه‌کانی نێوان ئه‌مریکا و ئێران".

هه‌ر به ‌گوێره‌ی به‌یاننامه‌که‌، عادل عه‌بدولمه‌هدی هه‌ڵوێستی عێراقی له‌باره‌ی گرژییه‌کان ڕوون کردووه‌ته‌وه‌ و باسی له‌ هه‌وڵی هێورکردنه‌وه‌ و پاراستنی به‌رژه‌وه‌ندیی گه‌لان و وڵاتانی ناوچه‌که‌ی کردووه‌.

له‌ به‌یاننامه‌که‌دا هاتووه‌: "پۆمپیۆ هه‌ڵوێست و ڕۆڵی عێراق به‌رز نرخاندووه‌ له‌گه‌ڵ هه‌وڵه‌کانی بۆ پاراستنی ئاسایش و سه‌قامگیریی ناوچه‌که‌ و خۆبه‌دوورگرتن له‌ گرژییه‌کان، هه‌روه‌ها به‌رده‌وامیی هاوئاهه‌نگیی نێوان هه‌ر دوو وڵات له‌ دژی تیرۆر".

سه‌رچاوه‌: ماڵپه‌ڕی به‌غداد ئه‌لیه‌وم

کۆدی هه‌واڵنێر: 60103