کوردپرێس:
ئه‌مڕۆ چوارشه‌ممه 12ی حوزه‌یرانی 2019 ئاگر له ژماره‌یێک کێڵگه و زه‌ویی کشتوکاڵیی قه‌زای شه‌نگال که‌وتووه‌ته‌وه و زۆربه‌ی به‌روبووم و ده‌غڵودانی ئه‌و ناوچانه سووتاون.
جووتیارانی ده‌وروبه‌ری گۆندی کوچۆ له قه‌زای شه‌نگال که ئه‌مڕۆ به‌شێکی به‌رچاوی زه‌وییه‌کانیان ئاگری گرتووه داوایان له حکوومه‌ت و لایه‌نه په‌یوه‌ندیداره‌کان کردووه به‌هانایانه‌وه بچن بۆ کوژاندنه‌وه و کۆنتڕۆڵکردنی ئه‌و ئاگره‌ی که زۆربه‌ی به‌روبوومی ئه‌مساڵی سووتاندوون.
هه‌روه‌ها ئه‌مساڵ زیاتر له 70%ی گه‌نمی جووتیاران له قه‌زای شه‌نگال سووتان و زۆربه‌ی به‌روبوومی ئه‌و ناوچه‌یه له‌ناو چوون.
له ماوه‌ی چه‌ند ڕۆژی ڕابردووشدا نوێنه‌ری شنگال له ئه‌نجومه‌نی پارێزگای مووسڵ باسی له‌وه کرد که له سنووری شنگال ئاگرێكی زۆر له گه‌نمی جووتیاران به‌ر دراوه و به‌ھۆیه‌وه نزیكه‌ی ھه‌زار دۆنم سووتاوه و دوو گه‌نجیش گیانیان له ده‌ست داوه.
کۆدی هه‌واڵنێر: 60103
Your Comment