به‌پێی هه‌واڵی کوردپرێس، ناوه‌ندی سه‌رۆکایه‌تیی کۆماری عێراق له به‌یاننامه‌یێکدا ڕای‌گه‌یاند: ڕۆژی دووشه‌ممه 20ی ئایاری 2019 به‌رھه‌م ساڵح سه‌رۆک کۆماری ئه‌و وڵاته له کۆشکی سه‌لام له به‌غدا پێشوازی کرد له مارشال پیلینگسلی یاریده‌ده‌ری وه‌زیری گه‌نجینه‌ی ولایه‌ته یه‌کگرتووه‌کانی ئه‌مریکا.
له به‌یاننامه‌که‌دا هاتووه: له میانی دیداره‌که‌دا باس له په‌یوه‌ندییه دووقۆڵییه‌کانی نێوان عێراق و ویلایه‌ته یه‌کگرتووه‌کانی ئه‌مریکا کرا به‌تایبه‌تی له بواره‌کانی دارایی و ئابووری و پێویستی به‌ھێزکردنی ھاریکاری بواری بانکی نێوان ھه‌ردوولادا.
ھه‌ر له‌و دیداره‌که‌دا باس له دواپێشھاته سیاسییه‌کانی ناوچه‌که و جیھان و گرنگیی به‌رجه‌سته‌کردنی بنه‌ماکانی ئاشتی و سه‌قامگیری کرا له‌پێناوی به‌دیھێنانی پێشکه‌وتن و خۆشگوزه‌رانی ناوچه‌که‌دا.
سه‌رچاوه: هه‌واڵده‌ریی شه‌فه‌ق نیووز
کۆدی هه‌واڵنێر: 60103
Your Comment