کوردپرێس: بەپێی ڕاگەیێندراوێكی دەستەی سەرۆكایەتی پەڕلەمانی كوردستان دەستەی سەرۆكایەتی پەڕلەمانی كۆردستان بەپێی بڕگەی دووهەم لە ماددەی ٤ لە یاسای كاراكردنەوەی دامەزراوەی سەرۆكایەتیی هەرێمی كوردستان- عێراق و هەمواری شێوازی هەڵبژاردنی سەرۆک تا پەسند كردنی دەستوور، ژمارە ۱ی ساڵی ۲۰۱۹ دەرگای خۆپاڵاوتن بۆ سەرۆكی هەرێم لە كاتژمێر ۱۱ی پێشنیوەڕۆی ۱۲ی ئایاری ۲۰۱۹ تاوەكوو هەمان كاتژمێر لە ۱٥ی ئایاری ۲۰۱۹ دەكاتەوە، بەپێی مەرجەكانی ماددەی ٥ لەهەمان یاسا.
بەپێی مەرجەكان ئەو كەسەی خۆی كاندید دەكات دەبێت تەمەنی لە ٤۰ ساڵ كەمتر نەبێت، هاووڵاتی و نیشتەجێی كوردستان-عیراق بێت، لەهەموو مافە مەدەنی و سیاسییەكان بەهرەمەند بێت.
تاوەكوو ئێستا تەنها پارتی دیموكراتی كوردستان كاندیدی سەرۆكی هەرێمی دیاری كردووە كە نێچیرڤان بارزانی-یە، هەریەكە لە گۆڕان و یەكێتیش بەپێی ڕێككەوتنەكانی هەرسێ لایەن هەریەكەیان جێگرێكی دەبێت، بۆیە پێدەچێت بارزانی تاكەكاندیدی سەرۆكی هەرێم بێت.
کۆدی هەواڵنێر: 60113
Your Comment