بەپێی هەواڵی کوردپرێس، محەمەد ئەمین، ئەندامی فراكسیۆنی پارتی لە ئەنجومەنی نوێنەرانی عێراق، بە SNNی ڕاگەیاند: لە نێوان حكوومەتی عێراق و هەرێم و توركیا، سێ بەنداوی گەورە لەسەر ڕووباری شین، حاجی بەند كە دەكەونە سنووری قەزای مێرگەسۆر دروست دەكرێن.

ناوبراو وتیشی:" لەساڵی 2015ەوە تا ئێستا دانووستان بەردەوامە، لایەنی حكوومەتی ناوەندی و هەرێم و وەزارەتی دەرەوە و سەرچاوە ئاوییەكانیش ڕەزامەندن لەسەر دروست كردنی ئەو سێ بەنداوە، تەنها چەند ڕێكارێک ماون لەگەڵ حكوومەتی توركیا یەكلاب كرێتەوە".

سەبارەت بەتێچووی بەنداوەكانیش، ئەو پەرلەمانتارەی پارتی ئاشكرای كرد: تێچووەكەی بەهاوبەشی دەبێت لە بودجەی سیادی عێراق و حكوومەتی توركیا، بڕیاریشە وەفدێكی توركیا لە ئاستێكی زۆر باڵا سەردانی بەغدا بكەن، وادەی دروست كردنی ئەو بەنداوانەش یەكلا دەكرێتەوە.

کۆدی هەواڵنێر: 60113